El gran tarloco

El tenpo no se misura,
eternamente el score,
e duto nasse e duto more
nel lume alegro che l'aria inasùra.
Xe ben savê che passa duto,
l'ora de zogia, el momento de luto;
e spetâ calmi,
ben intonai,
cantando salmi.
Stâ fermi e fasse palo
quando vien la tormenta,
quando el più grando ben se piega al calo;
e la luse del sol in noltri stenta.
Sol tramontao
senpre el ritorna
e senpre azorna
nel cuor più tormentao.


La vita mia,
sielo de nùoli luminosi,
i vinti pitigoli e furiosi
me l'ha sufiagia via.
Co poco che ha bastùo
a disfâ el gno reame
lustro d'oro e de rame
e nel ninte cagiùo.
Luse viva e culuri
i feva festa
intorno a la mia testa
portagia via da quî splenduri.
A poco a poco
i roseri s'ha spento
per poco de vento,
el gran tarloco.

Biagio Marin , da "Nel silenzio più teso" ed. BUR 1981

(nùoli sono le nuvole; zògia è la gioia; i venti sono pettegoli e furiosi, soffiano via la mia vita - quel tanto che basta a disfare il mio reame, lustro d'oro e di rame) (stare fermi e farsi palo, quando vien la tempesta...)
(e tutto nasce e tutto muore, nel lume allegro che rende l'aria azzurra)